Қўшимча функционаллар
-
Тунги кўриниш
Путин МДҲ ва қўшни минтақаларда вазиятни беқарорлаштиришнинг олдини олишга чақирди
У МДҲ давлатларининг хавфсизлик ва разведка идоралари раҳбарларига мурожаат қилди.
Фото: РИА Новости
Россия президенти Владимир Путин МДҲ давлатлари ва қўшни минтақаларда вазиятни беқарорлаштиришнинг олдини олишга чақирди. Унинг сўзларини «РИА Новости» келтирди.
Путин бу ҳақда Москвада йиғилган МДҲ давлатлари хавфсизлик идоралари ва разведка хизматлари раҳбарларининг йиғилиши иштирокчиларига йўллаган қутловида айтиб ўтди. Уни Россия Ташқи разведка хизмати раҳбари Сергей Наришкин ўқиб берди.
«Аввалгидек, жамоавий хавфсизликка ҳар қандай салбий тенденциялар ва эҳтимолий таҳдидларни аниқлаш, уларнинг ривожланишини башорат қилиш, маълумот ва иш тажрибаси билан алмашиш зарур», дейилади қутловда.
Путиннинг қўшимча қилишича, 20 йил давомида бундай учрашувлар Ҳамдўстлик мамлакатларини ички ва ташқи таҳдидлардан ҳимоя этишга қаратилган ечимларни ишлаб чиқиш ва разведка хизматлари ўртасида ҳамкорлик механизмларини яратиш имконини берди.
Шунингдек, у ҳозирги мураккаб геосиёсий шароитда разведка хизматларининг конструктив ўзаро ҳамкорлиги айниқса муҳим эканини таъкидлади.
Путин ушбу учрашув шерикликни чуқурлаштиришда муҳим босқичга айланиши ва МДҲ ҳудудида тинчлик ва хавфсизликни мустаҳкамлашга ёрдам беришига ишонч билдирди.
Мавзуга оид
17:41
«Путин доим ҳужумга тайёр, Трамп – табиатан девелопер». Меркелнинг мемуаридан парчалар
14:07
2025 йилда Ўзбекистонда Россия маданияти кунлари ўтказилиши режалаштириляпти
13:20
Россия Украинанинг қатор минтақаларига ракеталар билан ҳужум қилди
10:10