Тошкент ва Самарқанд ўртасида қўшимча “Афросиёб” қатнови йўлга қўйилади

Вақтинчалик қўшимча қатнов 15-31 декабр ва 3-12 январ кунлари оралиғида, ҳафтанинг жума, шанба ва якшанба кунлари амалга оширилади.

Самарқанд—Тошкент—Самарқанд йўналишида “Афросиёб” электропоездининг қўшимча ҳаракати йўлга қўйилади.

“Темирйўлэкспресс” маълум қилишича, ушбу йўналишдаги қўшимча поезд йўловчиларга қулайлик яратиш мақсадида 15—31 декабр кунлари ҳамда 2025 йилнинг 3—12 январ кунлари оралиғида ҳафтанинг жума, шанба ва якшанба кунлари амалга оширилади.

Поезд жадвали қуйидагича:

775-сонли Самарқанд —Тошкент йўналиши: Самарқанддан жўнаш соат 10:55 да — Тошкентга етиб бориш соат 13:15 да;
776-сонли Тошкент — Самарқанд йўналиши: Тошкентдан жўнаш соат 13:56 да — Самарқандга етиб бориш соат 16:14 да.