Тошкентда содир бўлган ЙТҲда 18 ёшли ҳайдовчи вафот этди

Кўкча дарвоза кўчасида BYD ва Equinox тўқнашди. Ҳодиса оқибатида Equinox ҳайдовчиси шифохонада вафот этган.

Фото: Видеодан кадр

11 декабр куни Тошкент шаҳар Шайхонтоҳур тумани Кўкча дарвоза кўчаси, Сузук ота маҳалла аркаси қаршисида соат 20:20 ларда ЙТҲ содир бўлди.

Тошкент шаҳар ИИББ ЙҲХБ хабар беришича, 1988 йилда туғилган ҳайдовчи Р.К. бошқарувидаги BYD ва 2006 йилда туғилган А.Х. бошқарувидаги Equinox тўқнашган.

Ҳодиса оқибатида Equinox ҳайдовчиси шифохонада вафот этган.

Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми (транспортни таъмирлаш ёки уни фойдаланишга чиқариш қоидаларини бузиш одам ўлишига сабаб бўлса) билан жиноят иши қўзғатилиб, дастлабки тергов ҳаракатлари олиб борилмоқда.