Европарламент Беларусдаги сайлов натижаларини тан олмасликка чақирувчи резолюцияни қабул қилди

Европарламент Беларусдаги сайлов натижаларини тан олмасликка чақирувчи резолюцияни қабул қилди. Унда Европарламент депутатлари ЕИ давлатлари ва халқаро ҳамжамиятни республикадаги электорал кампания натижаларини тан олмасликка чақирган.

Ҳужжат 567 депутат томонидан қўллаб-қувватланган, 25 депутат эса қаршилик билдирган. 66 нафар депутат эса овоз бермасликни маъқул кўрган.

Беларус ТИВ аввалроқ Европарламент резолюцияси лойиҳасини Минскнинг электорал ишларга қўпол аралашув деб атаганди. Ташқи ишлар вазирлиги расмий вакили Анатолий Глазнинг сўзларига кўра, «лойиҳа суверен давлатнинг электорал жараёнларига қўпол аралашув бўлиб, унинг ҳақиқий вазиятга ҳеч қандай алоқаси йўқ ва Беларус фуқароларининг хоҳишларига босим ўтказишга қаратилган». «Беларусда сайловлар энди бошланди, у ерда эса ҳаммаси қораланиб, тан олинмаяпти», — дея қўшимча қилган у.

Беларусда президентлик сайловлари 2025 йил 26 январда бўлиб ўтади. Лукашенко 1994 йилдан бери республика президенти сифатида фаолият юритиб келмоқда ва бу сафар у еттинчи марта сайловларда ўз номзодини илгари суради.

Аввалроқ Беларус президенти Александр Лукашенко мамлакатда сайловлар ўтказилиши муносабати билан интернетга чеклов жорий этиш ва блогерларни тақиқлаш бўйича чоралар кўрилмаслигини маълум қилганди.