Британия Франциянинг «жиғига тегмаслик» учун янги сувости кемаси номини ўзгартиради

Буюк Британиянинг Astute синфига кирувчи сувости кемаси «Азенкур» номини олган, аммо у ўзгартирилади. Бу британлар XV асрда Азенкур яқинидаги жангда французлар устидан қозонган ғалабасини эслатиб турмаслик учун амалга оширилмоқда.

Фото: Британия қироллик флоти

Буюк Британия Ҳарбий-денгиз кучлари Франция билан келишмовчиликка бормаслик учун атом сувости кемаси номини ўзгартиради, деб хабар беради LBC радиоси.

Astute синфига кирувчи сувости кемасининг HMS Agincourt («Азенкур») номи HMC Achilles («Ахиллес»)га ўзгартирилади.

The Independent’нинг қайд этишича, сувости кемаси номи Францияга XV асрида Азенкур яқинида жангда инглизларнинг французлар устидан эришган ғалабасини эслатиб турмаслик мақсадида ўгартирилмоқда. У шу каби номга эга бўлган олтинчи кемага айланиши керак эди, аммо Буюк Британия қироли уни ўзгартиришни аллақачон маъқуллаб бўлди.

Буюк Британия Ҳарбий-денгиз кучларига кўра, янги ном «Европа ва Японияда яқинлашиб келаётган Иккинчи жаҳон урушида эришилган ғалаба кунларига мос келади», чунки шу каби номга эга кемалар 1939 йилда Ла-Плата жангларида иштирок этган. Ўшанда Буюк Британия Иккинчи жаҳон урушида йирик денгиз жангига илк бор қўшилган эди, шунингдек, ушбу кема Окинава жангида ҳам қатнашган.