Беларуснинг Ўзбекистондаги янги элчиси тайинланди

ТИВ раҳбари Бахтиёр Саидов янги тайинланган элчидан ишонч ёрлиқлари нусхаларини қабул қилиб олди.

Фото: Telegram / Бахтиёр Саидов

Александр Огородников Беларуснинг Ўзбекистондаги фавқулодда ва мухтор элчиси лавозимига тайинланди.

«Бугун Ташқи ишлар вазирлигида элчининг ишонч ёрлиқлари нусхаларини қабул қилдик ҳамда ҳамкорлигимизнинг устувор йўналишларини ва яқин истиқболдаги режаларимизни муҳокама қилдик», — деб ёзади ташқи ишлар вазири Бахтиёр Саидов ўзининг Telegram каналига.

Шунингдек, у элчига Ўзбекистондаги янги дипломатик миссияси давомида муваффақиятлар тилаган.

Эслатиб ўтамиз, январ охирларида 2018 йилдан бери Беларуснинг Ўзбекистондаги элчиси лавозимида ишлаб келган Леонид Маринич ўз миссиясини якунлаган эди.

Аввалроқ Ўзбекистон ташқи ишлар вазири мамлакатдаги дипломатик миссиясини якунлаётган Туркия элчиси Олган Бекарни қабул қилгани тўғрисида хабар берилганди.