Трамп АҚШ молия вазирини музокаралар учун Украинага юборди

АҚШ молия вазири Скотт Бессент Украинага ташриф буюриб, мамлакат президенти Володимир Зеленский билан учрашади. Бу ҳақда АҚШ президенти Доналд Трампнинг 11 феврал, сешанба куни кечқурун чоп этилган Truth Social ижтимоий тармоғидаги хабарида айтилади.

«Молия вазири Скотт Бессентни Украинага президент Зеленский билан учрашиш учун юборяпман. Бу уруш тезда тугатиш керак ва у тезда тугайди — жуда кўп ўлимлар ва вайронагарчиликлар. АҚШ бутун дунё бўйлаб миллиардлаб доллар сарфлади, аммо буни кўрсатиш учун кам нарсага эга. Америка кучли бўлса, дунё тинч бўлади», - деб ёзган Трамп.

Трамп: Ёрдам эвазига нодир металлар

Аввалроқ Доналд Трамп Украина Қўшма Штатларга нодир металлар етказиб беришга ваъда берса, унга ёрдам давом этишини айтган эди. «Биз Украина билан шартнома тузмоқчимиз, у ерда улар биз берадиган нарсаларни ўзларининг нодир металлари ва бошқа буюмлари билан таъминлайдилар», деди у.

Трамп Киев Вашингтонга ресурслар етказиб беришини хоҳлайдими, деган саволга АҚШ президенти ижобий жавоб бериб, нодир металларни етказиб бериш бўйича «кафолатга эга бўлишни» истаётганини таъкидлади ва Украина бунга аллақачон тайёр эканини кўрсатди. Оқ уй раҳбарининг сўзларига кўра, у Киевдан кўрсатилган ёрдам учун Вашингтонга «деярли 300 миллиард доллар» товон тўлашини истайди.