Apple «Трамп» сўзини «ирқчи» билан алмаштирган iPhone хатосини текширади

iOS 18 операцион тизимида кутилмаган хатолик аниқланди: овоз ёрдамида матн киритишда iPhone қисқа муддатга «Трамп» сўзини «ирқчи» сўз билан алмаштириши мумкин ва аксинча «ирқчи» сўзини «Трамп» билан алмаштирмоқда.

Хатолик аллақачон ижтимоий тармоқларда қизғин муҳокамаларга сабаб бўлди ва Apple бу муаммони расман тан олди ва фонетик ишлов беришнинг ўзига хос хусусиятлари билан боғлиқлигини билдирди. Бироқ, баъзи экспертлар хатолик носозлик ёки ҳатто тизим кодини атайлаб ўзгартиришга асосланганини истисно қилмайди.

Siri жамоасининг собиқ аъзоси Жон Беркли The New York Times газетасига берган интервьюсида муаммо Apple серверларидаги янгиланишдан кейин пайдо бўлганини айтди. Эҳтимол, кимдир атайлаб шундай алгоритмни кодга ёки машина ўрганиши учун маълумотларга ёзиб қўйгандир: «Бу шафқатсиз ҳазилга ўхшайди. Ягона савол: кимдир буни маълумотларга киритдими ёки кодга киритдими?».

Аммо Apple ҳали ҳам хатоликни икки сўзнинг фонетик ўхшашлиги билан изоҳламоқда.

Аввалроқ, Илон Маскнинг Grok нейротармоғи ўзини ва Трампни энг катта ёлғончилар деб атаган эди.