Путин олигархларни «иқтисодий инқироз» хавфидан огоҳлантирди

Россия президенти Владимир Путиннинг фикрича, Россия иқтисодий ўсиш суръатларининг секинлашиши муқаррар. 2024 йилда мамлакат ялпи ички маҳсулоти 4,1 фоизга ўсди, бироқ иқтисодиёт муқаррар равишда совийди ҳамда ҳукумат ва Марказий банк бу жараённи бир текис қилиб қўйиши, «криокамерадагидек» гипотермиянинг олдини олиши керак, деди Путин 18 март, сешанба куни Россия саноатчилар ва тадбиркорлар иттифоқи (РСТИ) қурултойида.

Путин иқтисодий инқирознинг олдини олишга чақирди

«Марказий банкда битта кўрсаткич бор, ҳукумат ва Иқтисодий ривожланиш вазирлигида бошқа рақам бор, бу 4,1 фоиз эмас — 2-2,5 фоиз. Лекин биз қулаш ёки ҳаддан ташқари совишдан қочиш учун нимадир қилишимиз керак. Бу нозик масала, лекин умид қиламанки, бу иш бўлади», деди у РСТИ қурултойи иштирокчиларига мурожаат қилиб. Иттифоқ бошқарувига Forbes Россия рўйхатидаги миллиардерлар киради.

Шу билан бирга, Путин иқтисодиёт ҳаддан ташқари совиб кетиши хавфи ҳақида муҳокамани бошламасликни таклиф қилди, чунки бу ҳолда йиғилиш тунгача чўзилиши мумкин, деб хабар беради "Интерфакс" агентлиги.

Россия Иқтисодий ривожланиш вазирлиги Россия иқтисодиётининг ўсиши 2025 йилда деярли ярмига — 4,1 фоиздан 2-2,5 фоизгача секинлашишини тахмин қилмоқда. Россия Федерацияси Марказий банки бундан ҳам кичикроқ ўсишни кутмоқда — инфляция мақсадли кўрсаткичдан юқори бўлган 1-2 фоиз даражасида — 4 фоиз ўрнига 7-8 фоиз. Шу билан бирга, халқаро экспертлар 2024 йилда ҳарбий саноатнинг жадал ривожланиши билан таъминланган Россия иқтисодиёти ўзининг тез ўсишини давом эттира олмаслигини ва қизиб кетиш аломатларини кўрсатаётганини аллақачон таъкидлаган.