Қўшимча функционаллар
-
Тунги кўриниш
Тошкент вилоятида ЙТҲга учраган Nexia-2 ёниб кетди
Тошкент вилояти Ўрта Чирчиқ туманида Cobalt йўлдан қайрилиб олаётган Nexia 2 га бориб урилди. ЙТҲ оқибатида иккинчи машинада ёнғин юзага келди. Ҳеч ким жароҳатланмади.
Фото: Тошкент вилояти ИИББ
Тошкент вилояти ИИББ Йўл ҳаракати хавфсизлиги бошқармаси Ўрта Чирчиқ туманида автомобилда келиб чиққан ёнғин тўғрисида маълумот берди.
Қайд этилишича, 24 март куни соат 17:30 ларда Ўрта Чирчиқ тумани ҳудудидан ўтган Тошкент шаҳри—Нурафшон шаҳри автомобил йўлининг 17-километрида йўл-транспорт ҳодисаси содир бўлган. Бунга Nexia-2 русумли машина рухсат этилган жойдан қайрилиб олаётган вақтда, Нурафшон—Тошкент йўналишида ҳаракатланиб келаётган Cobalt у билан тўқнашиб кетгани сабаб бўлган.
Йўл-транспорт ҳодисаси натижасида Nexia-2 русумли машинада ёнғин келиб чиққан.
Таъкидланишича, ЙТҲ ва ёнғин оқибатида ҳаракат иштирокчиларининг соғлигига зиён етмаган.
«Ҳолат юзасидан Ўрта Чирчиқ тумани ИИБ ЙҲХБ томонидан суриштирув ишлари амалга оширилмоқда», — дейилади хабарда.
Аввалроқ Тошкент шаҳри Мирзо Улуғбек туманида жойлашган Банк-молия академияси биноси олдида транспорт воситаси ёниб кетгани тўғрисида хабар берилганди.
Мавзуга оид
21:40 / 03.12.2025
“Ёнғин пайти ошхонада одам кўп эди” – Гулистондаги портлаш жойидан репортаж
19:45 / 03.12.2025
50 минг долларлик даъво: Тошкентда зарядга қўйилган электромобил нега ёниб кетганди?
12:53 / 01.12.2025
Ҳонгконгдаги ёнғин қурбонлари 140 нафардан ошди. Хитой намойишлар бошланишидан хавотирда
09:00 / 01.12.2025