Францияда иккита самолёт тўқнашиб кетди — видео

Ҳодиса машғулот вақтида содир бўлган. Учувчилар ва бир нафар йўловчи катапултадан фойдаланишга улгуриб қолган.

Фото: France Blue

Франция шарқидаги Сен-Дизе авиабазаси ҳудудида Patrouille de France гуруҳи таркибига кирувчи иккита Alpha Jet самолёти бир-бири билан тўқнашиб кетди, деб хабар беради мамлакат Ҳарбий-космик кучлари.

Франция қуролли кучлар вазири Себастен Лекорнюнинг маълум қилишича, самолётлар машғулот вақтида тўқнашган. Ҳар икки самолётнинг учувчилари ва ҳаво кемаларининг бирида бўлган йўловчи катапултадан фойдаланишга улгурган — улар енгил жароҳат олган.

Гувоҳлар самолётлар тўқнашувини видеога олишга улгуриб қолган.

Deux avions de la patrouille de France se sont crashés non loin de Saint-Dizier. Les pilotes ont eu les temps de s’éjecter apparemment @afpfr #avion #crash #patrouilledefrance #saintdizier #villiersenlieu @AlertesInfos pic.twitter.com/yFgjhRip5M
— ludovic barbier (@ludovicbarbier5) March 25, 2025

Deux Alpha Jet de la Patrouille de France sont "entrés a priori en collision" près de la base aérienne 113 de Saint-Dizier, a déclaré l'Armée de l'Air et de l'Espace à l'AFP, précisant que trois personnes ont été "retrouvées conscientes" #AFPVertical⤵️ pic.twitter.com/FdkbzdX5re
— Agence France-Presse (@afpfr) March 25, 2025

Маълумотларга кўра, самолётлардан бири ўрмонга, иккинчиси маҳаллий цемент заводи ҳудудига қулаб тушган. Гувоҳларнинг сўзларига кўра, корхона ҳудудида ёнғин чиққан ва у тезда ўчирилган.