Венесуэла президенти АҚШ давлат котибини «аҳмоқ» деб атади 

Венесуэла президенти Николас Мадуро АҚШ давлат котиби Марко Рубионинг Гайана билан ҳудудий можаро юзасидан таҳдидларига жавоб берди. Бу ҳақда VTV хабар бермоқда.

Мадуро Венесуэла демократияга интилаётганини қайд этди. Унинг фикрича, Рубио «аҳмоқ», Каракас эса АҚШ давлат котибининг таҳдидларига эътибор беришни режалаштирмаяпти.

Венесуэла президентининг таъкидлашича, мамлакат «хавф остида эмас, чунки у озодлик учун курашганларнинг ватани ва Симон Боливарнинг туғилган жойи».

Мадуро Рубионинг Венесуэланинг Гайанага қарши эҳтимолий кучишлатар ҳаракатлари «жуда катта хато» бўлиши ҳақидаги огоҳлантиришига шундай изоҳ берди.

Аввалроқ Мадуро Венесуэла мухолифатининг қочқин етакчилари АҚШ Халқаро тараққиёт агентлиги (USAID)дан миллиардлаб доллар олганини айтганди.

Давлат раҳбари Америка ташкилоти ўтмишда ўзини Венесуэла президенти деб эълон қилган, кейинроқ Колумбияга қочиб кетган Хуан Гуайдога қанча пул берган бўлиши мумкинлиги билан қизиқди. Мадурога кўра, мухолифат етакчисига 5 миллиард доллардан ортиқ маблағ ажратилган.