АҚШ Жануби-Шарқий Осиё давлатларидан қуёш панеллари импортига божлар белгилади
Жорий этилган тарифлар муайян мамлакат ва компанияга қараб катта фарқ қилади. Максимал миқдордаги 3521 фоизли божлар Камбоджа товарларига жорий этилди.

Фото: AP
АҚШ Савдо вазирлиги 21 апрел куни Камбоджа, Ветнам, Малайзия ва Таиландда ишлаб чиқарилган қуёш панеллари импортига оширилган бож ставкалари жорий этилишини эълон қилди, деб хабар бермоқда Bloomberg.
Божларнинг жорий этилиши юқоридаги тўрт мамлакатда заводларига эга йирик Хитой қуёш панеллари ишлаб чиқарувчиларига нисбатан олиб борилган савдо можаросининг кулминациясига айланди.
АҚШнинг 46-президенти Жо Байден ташаббуси билан бошланган тергов бир йил давом этди. Бунга қуёш панелларини ишлаб чиқарувчи Жанубий Кореянинг Hanwha Qcells ва АҚШнинг First Solar Inc. компаниялари Хитой қуёш панеллари ишлаб чиқарувчиларини давлат субсидияларидан ноҳақ фойдаланаётганликда ҳамда маҳсулотларини АҚШга демпинг (яъни бозордан арзон) нархларда сотаётганликда айблагани сабаб бўлганди.
Жорий этилган тарифлар муайян мамлакат ва компанияга қараб катта фарқ қилади. Максимал миқдордаги 3521 фоизли божлар Камбоджа товарларига белгиланди — ушбу мамлакат терговда иштирок этишдан бош тортган. Ветнамдаги номи ошкор этилмаган иккита компанияга 395,9 фоиз, Таиланд компаниясига — 375,2 фоиз, Малайзия компаниясига эса 34,4 фоиз миқдорида божлар белгиланди.
Шу билан бирга, Хитойнинг Jinko Solar компаниясига Ветнамдан экспортни амалга ошириши учун 245 фоиз ва Малайзиядан экспорти учун 40 фоиз миқдорида бож жорий этилди. Хитойнинг яна бир ишлаб чиқарувчиси — Trina Solar’га нисбатан Таиланддан экспортни амалга оширишига 375 фоиз, Ветнамдан экспорт учун эса 200 фоизга яқин бож белгиланди.
Bloombergʼнинг қайд этишича, Хитойнинг қуёш панеллари ишлаб чиқарувчи компаниялари акциялари қиймати 22 апрел кунги савдоларда бироз пастлаган холос, чунки АҚШ шу каби қарор чиқариши кутилаётган эди. Компаниялар эса ишлаб чиқаришнинг бир қисмини божлар жорий этилмаган Индонезия ва Лаосга кўчирган.
Маълумотларга кўра, 2024 йилда АҚШ Малайзия, Камбоджа, Таиланд ва Ветнамдан 12,9 миллиард долларлик қуёш панелларини импорт қилган. Бу жами қуёш панеллари импортининг тахминан 77 фоизи демак.
Тавсия этамиз
Бозор – гўшт нархи ҳақида: “Ем-хашак қиммат, мол боқиш осон бўлмай қолди”
Ўзбекистон | 17:00 / 27.05.2025
Пойтахт бош режаси интерактив харитада: унда нималар акс этган?
Ўзбекистон | 14:30 / 27.05.2025
“Виза беришни осонлаштириш ҳақида гап-сўз йўқ” – АҚШ элчихонаси
Ўзбекистон | 19:28 / 26.05.2025
Макрон Ветнамга ташрифи чоғида рафиқасидан шаппати еди
Жаҳон | 16:40 / 26.05.2025
Сўнгги янгиликлар
-
Британияда олти панжали мушук дунёга келди
Жаҳон | 00:19
-
Трамп Зеленский ва Путин билан учрашишга тайёрлигини маълум қилди
Жаҳон | 00:17
-
Италия бош вазири Регистон ансамбли ва «Боқий шаҳар» мажмуаси билан танишди — фото
Ўзбекистон | 23:47 / 28.05.2025
-
Испанияда ИИВнинг собиқ давлат котиби жиноий гуруҳ иши доирасида ҳибсга олинди
Жаҳон | 23:34 / 28.05.2025
Мавзуга оид

21:33 / 28.05.2025
Тирбандлик солиғи Нью-Йорк шаҳрига 4 ойда 216 миллион доллар келтирди

21:14 / 28.05.2025
“Мен бўлмаганимда Россиянинг аҳволи ёмон бўларди” — Трамп ўзгардими?

20:59 / 28.05.2025
Флорида штати олтин ва кумушни тўлов воситаси сифатида ишлатишга рухсат берди

19:30 / 28.05.2025