Қирғизистонда содир бўлган зилзила кучи Андижонда сезилди

ФВВ Сейсмопрогностик мониторинг республика маркази хабар қилишича, 20 май куни Тошкент вақти билан соат 20:07 да Қирғизистонда зилзила содир бўлди.

Зилзила координаталари: 41,19 градус шимолий кенглик; 72,6 градус шарқий узунлик.

Магнитуда М=3,4. Чуқурлик 10 километр. Зилзила эпицентри — Жалолобод вилояти, Тошкентдан 283 километр жануби-шарқда.

Ўзбекистон ҳудудида сезилиш кучи:

• Пахтаобод туманида — 2 балл.

Эслатиб ўтамиз, март бошларида Қирғизистонда содир бўлган зилзила кучи Хўжаобод, Жалақудуқ ва Булоқбоши туманларида сезилган эди.