Қўшимча функционаллар
-
Тунги кўриниш
Машҳур рассомнинг ўғирланган 50 минг долларлик картинаси чиқиндихонадан топилди
Полиция канадалик рассом чизган картина Ню-Йоркдаги аукционга қўйилганидан хабар топган ва унинг эгаси тегишли ҳужжатларни тақдим этган.
Америкалик полициячилар канадалик рассом Жан-Пол Риопелнинг 2021 йил декабрдаги Эдмонтондаги галереядан ўғирлаб кетилган картинасини топди, деб хабар беради Miami Herald.
Гап «Номсиз, акварел ва қоғоздаги сиёҳ» номли сурат ҳақида кетмоқда. Ўғирлик содир этилган кунда номаълум шахслар галерея эшигини бузиб кирган ва бир нечта санъат асарини олиб қочган. Тергов ҳеч қандай натижа бермаган — гумонланувчилар топилмаган ва тез орада иш тўхтатилган эди.
Тўрт йил ўтгандан кейин полотно Ню-Йоркдаги аукционда пайдо бўлди. Картинани сотишга уринган эркакнинг сўзларига кўра, у асарни чиқиндихонадан топиб олган ва шу пайтгача шкафида сақлаб келган. Полиция ходимлари мазкур картина қидирувда бўлганини тасдиқловчи ҳужжатларни тақдим этганидан кейин у полотнони суғурта компаниясига топширган.
2022 йилда Риопелнинг картинаси 50-58 минг долларга баҳоланган. Картина эгалари аллақачон компенсацияни олиб бўлгани боис уни ўзларига қайтармасликка қарор қилган. Агар картина қиймати тушган бўлса, улар зарар кўришлари мумкин эди.
