Москвада патенти бор шахс Москва вилоятида ишлаши мумкин бўлади

1 сентябрдан бошлаб Москва ва Москва вилоятидаги мигрантлар мажбурий рўйхатдан ўтиш, биометрик маълумот топшириш ва геолокация мониторинги талабларига риоя қилишлари керак бўлади.

Фото: Антон Новодережкин/ТАСС

Россия президенти Владимир Путин Москва ва Москва вилоятида миграция соҳасида эксперимент ўтказиш тўғрисидаги қонунни имзолади.

Ўзбекистоннинг Россиядаги элчихонаси консуллик бўлими маълумотига кўра, 2025 йил 1 сентябрдан бошлаб 2029 йил 1 сентябргача Россияга визасиз келган фуқаролар ушбу ҳудудларда мажбурий рўйхатдан ўтиш, биометрик маълумот топшириш ва геолокация мониторинги талабларига риоя қилишлари керак бўлади.

Мазкур қонун иш берувчиларнинг ҳуқуқларини ҳам кенгайтиради. Эндиликда хорижликлар патентни бир ҳудудда олиб, қўшни ҳудудда ишлашлари мумкин. Масалан, Москвада патенти бор шахс Москва вилоятида ишлаши мумкин бўлади.