КХДР Россияни Украинага қарши урушда қўллаб-қувватлашга ваъда берди

Сергей Шойгу Пхенянга ташриф буюрди ва у ерда Ким Чен Ин билан учрашди. У унга КХДР Россияни, жумладан, Украинага қарши урушда ҳам қўллаб-қувватлашига ваъда берди. Томонлар Курск вилоятида қўшма операцияни муҳокама қилди.

Фото: kcna.kp

КХДР Россияни, жумладан, Украинадаги урушда ҳам қўллаб-қувватлашда давом этади. Бу ҳақда Шимолий Корея раҳбари Ким Чен Ин Пхенянда Россия Хавфсизлик кенгаши раиси Сергей Шойгу билан учрашувда айтиб ўтди. «КХДР ҳукумати Россиянинг барча жиддий халқаро сиёсий масалаларда, хусусан, Украина атрофидаги ташқи сиёсатида сўзсиз қўллаб-қувватлашда давом этади», — дейилади Шимолий Кореянинг КМТА ахборот агентлиги 4 июн, чоршанба куни берган баёнотида. Украинадаги уруш ҳақида гапирар экан, Ким Россия «ҳақли муқаддас ишда ғалаба қозонишда давом этишини» тилади», дейилади КМТА хабарида.

КМТА матнида ҳам, Россия Хавфсизлик кенгаши веб-сайтидаги баёнотда ҳам айтилишича, Ким ва Шойгу Шимолий Корея аскарлари Украина Қуролли кучларига қарши курашган Курск вилоятидаги жангларни муҳокама қилган. Россия Хавфсизлик кенгашининг хабар беришича, «кореялик аскарларнинг жасорати ва хотирасини абадийлаштириш» масаласи муҳокама қилинган.

Пхенян «Курск вилоятини озод қилиш операциясида рус аскарлари билан бир хандақда елкама-елка курашган ва Россия ҳудудининг қимматли қисмини ўз ватани сифатида ҳимоя қилган корейс халқининг энг яхши ўғлонларининг беқиёс жасорати ва фидойилиги» ҳақида маълум қилди.

КХДР ва Россия Хавфсизлик кенгаши 2024 йил 19 июн куни Владимир Путиннинг ташрифи чоғида КХДР пойтахтида тузилган Москва ва Пхенян ўртасидаги стратегик ҳамкорлик тўғрисидаги шартномага таянган. Унда агар улардан бири қуролли ҳужумга учраган бўлса, бир давлатдан иккинчисига ҳарбий ва бошқа ёрдам кўрсатиш кўзда тутилган.