Трамп TikTok иловасининг АҚШдаги фаолиятини 90 кунга узайтирди

Бу муддат давомида Хитой компаниясининг улуши АҚШ компанияларига сотилиши керак.

Фото: AFP

АҚШ президенти Доналд Трамп TikTok иловасини ёпиш муддатини 17 сентябргача узайтириш ҳақидаги қонунни имзолади.

«Мен ҳозиргина TikTok иловасини ёпиш муддатини 90 кунга (2025 йил 17 сентябр) узайтириш тўғрисидаги буйруқни имзоладим», деб ёзди у Truth ижтимоий тармоғида.

2024 йил апрель ойида АҚШ собиқ президенти Жо Байден мамлакатда TikTok фаолиятини тақиқловчи қонун лойиҳасини имзолади.

Трамп президент бўлгач, бу қонунни бекор қилди ва TikTok иловасини ёпиш муддатини икки марта узайтирди. Унинг фикрича, АҚШ компаниянинг 50 фоизига эгалик қилиши керак.

АҚШ қонунларига кўра, TikTok ўзининг АҚШдаги филиалини сотиши ва Хитой таъсиридан чиқариши керак. Акс ҳолда мамлакатдаги фаолиятини давом эттира олмайди.

Тайёрлаган: Сардор Юсупов

#АҚШ #Доналд Трамп #TikTok