Фарзандини мактабга юбормаётган мигрантларни Россиядан чиқариб юбориш таклиф этилди

Россия Инсон ҳуқуқлари кенгаши (СПЧ) раҳбари Валерий Фадеев болалари мактабга бормаётган чет эл фуқароларини Россиядан чиқариб юборишга чақирди.

Унинг қайд этишича, Марказий Осиёнинг кўплаб мамлакатларида бўлгани каби Россияда ҳам ота-оналар боланинг таълим олиш ҳуқуқини бузгани учун ўз ҳуқуқларидан маҳрум этилиши мумкин. Аммо хорижликлар Россияга келиб, «фарзандларини мактабга беришни зарур деб ҳисобламайдилар».

Кенгаш матбуот хизмати, шунингдек, Россияда 785 мингдан ортиқ вояга етмаган чет эл фуқаролари бўлган Ички ишлар вазирлиги маълумотларига таянган.

Шу билан бирга, мактабларда таълим олаётган чет эллик болалар сони 192,2 минг нафарни (жами 24,5 фоиз) ташкил этади.