Франция Исроил томон йўл олган Эроннинг 10 га яқин дронини йўқ қилган

Мудофаа вазири Лекорнюнинг таъкидлашича, Париж Исроилнинг Эронга берган зарбаларида иштирок этмаган.

Фото: AP

Франция мудофаа вазири Себастен Лекорню Франция қуролли кучлари Исроил томон йўл олган Эроннинг 10 га яқин учувчисиз учоғини зарарсизлантирганини айтди.

Куни кеча Миллий мажлисда чиқиш қилган Лекорню Франция Исроилнинг Эронга берган зарбаларида иштирок этмаганини айтди. Унинг таъкидлашича, Франция таҳдид юзага келганда минтақадаги ўз базаларини ҳимоя қилиш тамойилига асосланиб ҳаракат қилади.

Вазир, шунингдек, минтақада жойлаштирилган ҳаво ҳужумидан мудофаа тизимлари ва Rafale қирувчи самолётлари Эроннинг бир нечта учувчисиз учоқларини тутиб олганини айтди. X ижтимоий тармоғидаги саҳифасида берган баёнотида у гап Исроил томон йўл олган дронлар ҳақида кетаётганига аниқлик киритди.

#Эрон #Франция #Исроил