Британияда депрессияга чалинган одамларга футболга бориш тавсия этилди

Буюк Британияда депрессиядан азият чекаётган одамларга футбол ўйинларига боришни тавсия этилди. Бу ҳақда The Independent хабар берди.

Лейбористлар парламенти аъзоси Саймон Офер ва Ecotricity энергетика компанияси эгаси Дейл Винс томонидан ишлаб чиқилган ташаббус Глостерширдаги клиникалар беморларига В дивизион вакили бўлган «Forest Green Rovers» клуби ўйинларига бориш имкониятини беради. Винс ушбу клубга 2010 йилдан бери эгалик қилади.

Офер, собиқ умумий амалиёт шифокори, енгил ёки ўртача депрессияга чалинган одамлар учун антидепрессантларга муқобил сифатида бундай кўрсатмаларни қўллаб-қувватлади.

«Жамиятимизнинг энг катта муаммоларидан бири - бу ижтимоий яккаланиш. Қовоқхоналар унчалик машҳур эмас, биз жамоат жойларига камроқ боряпмиз, катта оила билан яшамаймиз, бу соғлиқ учун жуда зарарли. <...> Футбол - бу мулоқот ва ўз жамоасини қўллаб-қувватлаш, иштиёқ, кундалик ҳаётдан бироз чалғиб, бошқа ҳиссиётларни бошдан кечириш имконияти», деди Офер

Ташаббус бутун мавсум давомида амал қилади ва жамоанинг 16 август куни «Yoevil Town»га қарши уйдаги биринчи ўйинидан бошланади. Чипталар клуб томонидан бепул тақдим этилади.