Исроил кучлари Ғазода тинч аҳолини ўққа тутди: 132 киши ҳалок бўлди

Ҳужум қурбонлари орасида инсонпарварлик ёрдамини кутган 94 киши бор.

Фото: Anadolu Agency

Исроил армиясининг Ғазо секторига берган зарбалари натижасида 132 киши ҳалок бўлди.

Бу ҳақда Фаластиннинг WAFA расмий ахборот агентлиги соғлиқни сақлаш идораларидаги манбаларга таяниб хабар берди.

Хабарда айтилишича, ҳужум қурбонлари орасида гуманитар ёрдам олишни кутган 94 нафар фаластинлик ҳам бор.

Аввалроқ Ғазо сектори Соғлиқни сақлаш вазирлиги Суданияда гуманитар ёрдам учун навбатда турганлар ўққа тутилиши оқибатида 73 киши ҳалок бўлгани ва 150 дан ортиқ киши жароҳатлангани ҳақида хабар берган эди.

Тайёрлаган: Отабек Матназаров

#Исроил #Фаластин #Ғазо #сионизм

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.