Қўшимча функционаллар
-
Тунги кўриниш
Ўзбекистонда заҳарланган россиялик журналист Папернаянинг яқинлари товон пули олади
Суд айбдорлардан катта миқдорда товон пули ундириш ҳақида қарор чиқарди.
Тошкентдаги меҳмонхонада ис газидан заҳарланган Инесса Паперная ва унинг ҳамроҳи Максим Радченконинг яқинларига компенсация тўланади. Бу ҳақда РИА Новости суд қарорига таяниб хабар берди.
Радченконинг қариндошлари фойдасига заҳарлаш иши бўйича судланганлардан 60,7 миллион сўм, Папернаянинг қариндошлари фойдасига эса 67,6 миллион сўм ундирилиши белгиланган. Бу экспертиза ўтказиш ва жасадни ватанига олиб кетиш учун сарфланган харажатлар учун компенсация ҳисобланади.
Суд ҳукми билан 4 нафар айбланувчи 3 йилдан 8 йилгача озодликдан маҳрум этилди. Меҳмонхона эгаси, сантехник, шунингдек, иситиш ускунасининг икки нафар сотувчиси айбдор деб топилди.
Фожиа 2024 йил октябр ойида содир бўлди. Тошкентдаги меҳмонхона хоналаридан бирида уч киши ўлик ҳолда топилди: журналист Паперная, унинг ҳамроҳи Радченко ва Ўзбекистон фуқароси. Тергов маълумотларига кўра, бунга вентиляция тизимига сизиб кирган ис газидан заҳарланиш сабаб бўлган.
Кейинчалик маълум бўлишича, меҳмонхонага ўрнатилган иситиш қозони техник жиҳатдан эскирган бўлиб, уни ўрнатишда жиддий қоидабузарликларга йўл қўйилган, шу жумладан конденсатни чиқариб юбориш учун сифон олиб ташланган, бу эса мутахассисларнинг фикрига кўра, газ сизиб чиқишига олиб келган.
Мавзуга оид
09:30 / 23.06.2026
Тошкентда бўёқ ҳидидан заҳарланган уч фуқаро қутқарилди
21:04 / 24.02.2026
2025 йилда республика бўйича 44 та ҳолатда овқатдан заҳарланиш қайд этилди – Санэпидқўмита
10:01 / 24.02.2026
“Жавобгарликни ҳеч ким бўйнига олмаяпти” – Фарғона боғчаларида заҳарланган 70 дан ортиқ бола шифохонада қолмоқда
19:10 / 10.01.2026