Тадбиркорнинг 443 млн сўмлик дори воситаларини ўзлаштирган менежер аниқланди

Бош прокуратура ҳузуридаги департаментнинг Фарғона вилояти бошқармаси томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилди.

Унда, “Б.Ф.” МЧЖнинг агент менежери Х.С. Бувайда ва Учкўприк туманларидаги дорихоналарга етказиб берилган дори воситалари учун нақд пул кўринишида қабул қилинган 443,5 млн сўмни МЧЖ ҳисоб-рақамига кирим қилмасдан, ўзининг шахсий эҳтиёжлари учун сарфлаб юборгани аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.