1,2 млрд сўмлик электрдан ноқонуний фойдаланган майнинг ферма аниқланди

Ўзэнергоинспекция Андижон вилоят ҳудудий бошқармаси ва ҳуқуқни муҳофаза қилувчи органлар ҳамкорлигида тезкор тадбир ўтказилди.

Фото: Ўзэнергоинспекция

Унда, Андижон шаҳрида истиқомат қилувчи фуқаро А.С. ўзига қарашли хонадонда 21 дона майнинг қурилмасини тармоққа тўғридан тўғри улаб, ноқонуний фойдаланиб келаётгани аниқланди.

Ушбу қоидабузарлик натижасида, дастлабки ҳисоб-китобларга кўра, электр таъминоти корхонасига 1,2 миллиард сўмлик зарар етказилгани маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.