“Путин қўнғироғимни кутяпти” - Трамп

АҚШ етакчиси Доналд Трамп Володимир Зеленский ва Европа раҳбарлари билан учрашувдан сўнг Россия президенти Владимир Путинга қўнғироқ қилишини айтди.

"Бугунги учрашувларимиз якунланиши билан телефон орқали мулоқот қиламиз”, деди Трамп журналистларга.

“У учрашувимиз тугаганидан сўнг қўнғироқ қилишимни кутяпти”, деб қўшимча қилди АҚШ президенти.

Бугун Трамп Оқ уйда Зеленский билан яккама-якка суҳбатлашади.

Сўнгра АҚШ етакчиси Германия канцлери Фридрих Мерц, Буюк Британия бош вазири Кир Стармер, Франция президенти Эммануэл Макрон, Италия бош вазири Жоржа Мелони, Финландия президенти Александр Стубб, Еврокомиссия раҳбари Урсула фон дер Ляйен ва НАТО бош котиби Марк Рютте билан учрашув ўтказади.