Зеленский Трамп билдирган таклифлар қабул қилинмаслигини айтди

Украина президенти Володимир Зеленский Оқ уй раҳбари Доналд Трамп томонидан эълон қилинган тинчликка эришиш режасининг қатор моддалари қабул қилинмаслигини айтди.  

Украина президентининг сўзларига кўра, аввал ўт очишни тўхтатиш, кейин тинчлик келишуви устида ишлаш керак.

Аввалроқ Трамп Россия президенти Владимир Путиннинг ўт очишни тўхтатиш эмас, биратўла тинчлик келишуви тузиш тўғрисидаги таклифини маъқуллагани хабар қилинганди. 

Зеленский шунингдек, Донецк области Россияга берилишини яна бир марта рад этди. Унинг таъкидлашича, "Конституцияга кўра, ҳудудни бериш ёки ерни сотиш мумкин эмас".

ОАВнинг маълумот беришича, Трамп Путиннинг Украина қўшинлари бутун Донбассдан олиб чиқиб кетилиши ҳақидаги талабини қўллаб-қувватлаган.

Украина президентининг қўшимча қилишича, ҳозирча хавфсизлик кафолатлари тафсилотлари маълум эмас. Киев Украинанинг Европа Иттифоқининг қўшилишини хавфсизлик кафолатларининг бир қисми сифатида кўрмоқда.