Трамп: Путин ўзини яхши тутишига умид қиламан, акс ҳолда вазият оғирлашади 

Америка раҳбари интервю давомида Путин ва Зеленский ўртасидаги бўлажак музокаралар, Россия-Украина можароси ҳақида фикр билдирди.

Бўлажак учрашув ҳақида

Мен Путин ва Зеленскийнинг эҳтимолий биринчи учрашувида қатнашишни режалаштирмаяпман.

Агар биринчи учрашув муваффақиятли ўтса, ундан сўнг уч томонлама учрашув ўтказиш мумкин бўлади.

НАТО, Қрим ва Украинага қўшинлар жойлаштирилиши ҳақида

Руслар учун Украинанинг НАТОга аъзо бўлиши Путиндан аввал ҳам табу (тақиқ) эди.  

СССР ва Россия НАТОни ўз чегаралари яқинида кўришни истамаганида ҳақ бўлишган.  

Қрим Украинага қайтарилиши имконсиз.

Мен АҚШ президенти эканман, Украинада Америка қўшинлари бўлмайди. 

АҚШ Европага Украинага қўшинларини жойлаштиришга ёрдам бериши мумкин.

Франция, Британия ва Германия Украинага ўз қўшинларини жойлаштирмоқчи, бу Россия учун муаммо туғдирмайди. 

Ён беришлар ҳақида

Путин ўзини яхши тутишига умид қиламан, акс ҳолда вазият оғирлашади. 

Зеленский мослашувчанлик кўрсатиши лозим.

Оқ уйдаги учрашувда Европа етакчилари Украинанинг ҳудудий ён бериши зарурлигига тушунувчанлик билан ёндашишди. 

Украина кўпгина ер олади. 

Россия ва Путин ҳақида

Мен Россия президентига Европа етакчилари олдида қўнғироқ қилмадим, бу Путинга нисбатан ҳурматсизлик бўларди. 

Одамларга ёқадими-йўқми, Россия — қудратли ҳарбий давлат.

Очиғини айтсам, бу (тинчлик келишувига эришиш) муаммо бўлади деб ўйламайман. Менимча, Путин урушдан чарчаган. Менимча, уларнинг ҳаммаси бундан чарчаган, лекин аниғини билиб бўлмайди. 

Президент Путин ҳақида кейинги бир неча ҳафта ичида билиб оламиз. У келишиб олишни хоҳламаслиги эҳтимоли бор.