Кўрамиз, Путин ва Зеленский бирга ишлай олишармикин - Трамп

Трамп Владимир Путин ва Володимир Зеленский ўртасидаги учрашувни интиқлик билан кутаётганини айтди.

Фото: Getty images

АҚШ президенти Доналд Трамп Вашингтондаги музейга ташрифи чоғида Россия-Украина инқирози бўйича баёнот берди.

У Россия президенти Владимир Путин ва Украина президенти Володимир Зеленский ўртасидаги учрашувни интиқлик билан кутаётганини айтди.

«Кўрамиз, Путин ва Зеленский бирга ишлай олишармикин. Уларнинг муносабати мой билан сиркани эслатади. Маълум сабабларга кўра, улар бир-бири билан келиша олишмайди, лекин кўрамиз. Мен улар учрашувни қандай ўтказиши ва вазиятдан чиқиш учун қандай йўл топишларини кўришни истардим», - деди АҚШ президенти.

Аввалроқ Россия ташқи ишлар вазири Сергей Лавров Зеленский Трамп билан учрашувда Путиннинг қатор таклифларини рад этганини айтганди.

#Владимир Путин #Доналд Трамп #Володимир Зеленский

Kun.uz янгиликларини Google News'да кузатинг

+ Обуна бўлиш