Қўшимча функционаллар
-
Тунги кўриниш
Хитой Украинадаги тинчликпарварлик миссиясида қатнашишга тайёр – ОАВ
Хитой Украина учун хавфсизлик кафолати беришини расман маълум қилмади, бундай таклиф Россия томонидан берилган. Зеленский Хитойнинг хавфсизлик кафолатларида иштирок этишига рози бўлмади.
Хитой Украинадаги тинчликпарварлик миссиясида қатнашишга тайёр, деб хабар берди Die Welt нашри.
Газета Хитой ҳукумат доиралари билан мулоқотда бўлиб турган ЕИ дипломатик вакилларига таянмоқда.
Украина хавфсизлиги кафолатлари Доналд Трамп ва Владимир Путиннинг Аляскада бўлиб ўтган учрашувидан сўнг фаол муҳокама қилина бошланди, ўша учрашув якунида Россия президенти Москва «Украина хавфсизлигини таъминлаш учун ишлашга тайёрлиги»ни айтганди. Axios нашрининг ёзишича, Путин Хитойни Украина хавфсизлиги учун эҳтимолий кафил сифатида тилга олган.
Украина президенти Володимир Зеленский Киев Хитойни урушдан кейин Украина хавфсизлигига кафил давлатлар қаторида кўрмаётганини айтди.
«Нега Хитой кафил бўлолмайди? Биринчидан, Хитой аввалбошдан бизга бу урушни тўхтатишда ёрдам бермади. Иккинчидан, Хитой дронлар бозорини очиб, Россияга ёрдам берди», – деди Украина президенти.
