Зеленский украиналикларга мурожаат йўллади

Унинг сўзларига кўра, Украина "қайтиб ҳеч қачон руслар “муроса” деб атаётган шармандаликка мажбур қилинмайди".

Зеленскийнинг фикрича, "Украинани эшитишмоқда, Украина билан ҳисоблашишмоқда, унга қулоқ солишмоқда. Унинг жойи стол ёнида, унга "Ташқарида кутиб туринг" дейишмаяпти. Унга "Фақат ўзингиз ҳал қиласиз" дейишяпти”.

"Бугун АҚШ ҳам, Европа ҳам Украина ҳозирча ғалаба қозонмагани, лекин аниқ ютқазмаслигига ишонмоқда", - деди Украина президенти.

Унинг таъкидлашича, "Украина иттифоқчилик ва ҳамкорликни, илғор мудофаа технологияларини, жасорат тажрибасини сўрамаяпти, балки таклиф қиляпти”.

"Бизга ЕИ керак" деяпмиз. Ҳа. Лекин биз ҳам унга керакмиз.Буни ҳамма тан олмоқда. Украинани шундай тан олишади. Камбағал қариндош эмас, балки кучли иттифоқчи сифатида", - деди Зеленский.

У мурожаатида ҳудуд алмашиш ёки бериш ҳамда НАТОга кириш ҳақида сўз очмаган.