Саудия Арабистонида мушкул аҳволда қолган икки фуқаро Ўзбекистонга қайтарилди

Ўзбекистоннинг Жиддадаги Бош консулхонаси ходимлари кўмагида Макка шаҳридаги депортация марказида сақланаётган икки нафар ватандошнинг юртимизга қайтиши таъминланди.

Бош консулхона ходимлари ҳамюртларимиз билан мунтазам алоқада бўлиб, уларга тиббий ёрдам, озиқ-овқат, дори-дармон ва моддий ёрдам кўрсатди.

Дипломатлар маҳаллий ҳокимият ва депортация маркази билан ҳамкорликда уларни Ўзбекистонга қайтариш масаласини ижобий ҳал қилди.

Ватандошлар "Jazeera Airways" авиакомпанияси самолётида Тошкентга етиб келди.