Полша Беларус билан чегарасига 40 минг нафар аскарини жойлаштирмоқчи

Полша мудофаа вазирининг ўринбосари Цезарий Томчикнинг сўзларига кўра, мамлакат "Ғарб-2025" " Россия-Беларус ҳарбий машғулотларига жавобан бир неча ой тайёргарлик кўрган.

Фото: Getty Images

Полша "Ғарб-2025" Россия-Беларус ҳарбий машғулотлари туфайли Беларус билан чегарага 40 минг нафар ҳарбий хизматчисини жойлаштиради. Бу ҳақда Полша мудофаа вазирининг ўринбосари Цезарий Томчик маълум қилди.

"Ғарб-2025" – ҳужум қилиш машғулоти. Шу боис Полша армияси бунга тайёрланди. Яқин кунларда чегарамизда 40 минг нафар ҳарбий бўлади", - деди Томчик.

Унинг сўзларига кўра, Полша "Ғарб-2025" машғулотларига жавобан бир неча ой тайёргарлик кўрган.

"Полша армияси "Ғарб-2025"га муносиб жавоб қайтариш учун 30 мингдан ортиқ полшалик ҳарбийлар ҳамда НАТО ҳарбийлари иштирокида машғулотлар ўтказди", - деди Томчик.

Аввалроқ Полша бош вазири Доналд Туск 12-16 сентябр кунлари Беларус ҳудудида бўлиб ўтадиган «Ғарб-2025» Россия-Беларус ҳарбий машғулотлари туфайли чегара ёпилаётганини айтганди.

#Полша #Беларус