Шавкат Мирзиёев БМТ 80 йиллигига бағишланган тадбирда қатнашади

Олий даражадаги йиғилиш 22 сентябр куни Ню-Йоркда бўлиб ўтади.

Президент Шавкат Мирзиёев Ню-Йоркда бўлиб ўтадиган БМТ 80 йиллигига бағишланган маросимда қатнашади. Олий даражадаги йиғилиш 22 сентябр куни Бош Ассамблея залида бўлиб ўтади, деб маълум қилди Kun.uz манбаси.

Юбилейга бағишланган сессия «Ҳамкорликда ишлаш: 80 йил давомида тинчлик, тараққиёт, инсон ҳуқуқлари ва олға интилиш йўлида ҳамкорлик» мавзусида ўтказилади.

Унда БМТ вакиллари, давлат ва ҳукумат раҳбарлари ўтган саксон йилликда эришилган ютуқлар ҳамда янада инклюзив ва сезгир, кўптомонлама тизим яратиш йўлларини муҳокама қилади.