Термизда фуқаронинг бузилишга тушган уйи учун 623 млн сўм компенсация ундириб беришни ваъда қилган шахс ушланди

У бу хизмати учун 900 АҚШ доллари ва 1 млн сўм олган вақтида ашёвий далиллар билан ушланган.

Фото: Иқтисодий жиноятларга қарши курашиш департаменти

Сурхондарёда бузилишга тушган уй учун компенсация ундириб беришини айтган шахс қўлга тушди. Бу ҳақда Иқтисодий жиноятларга қарши курашиш департаменти хабар қилди.

Хабарга кўра, Термиз туманида баҳолаш фаолияти билан шуғулланувчи “Б.Д.” МЧЖда норасмий ишлаб келган О.А. фуқаро Д.Б.нинг ишончига кириб, унинг бузилишга тушган уйи учун гўёки юқори лавозимда ишловчи танишлари ёрдами билан 623 миллион сўм компенсация пулини тезлаштириб ундириб беришини айтган.

У бу хизмати учун 900 АҚШ доллари ва 1 миллион сўм олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, прокуратурага юборилган.

#Сурхондарё #компенсация

Kun.uz янгиликларини Google News'да кузатинг

+ Обуна бўлиш