Болаларга нисбатан Интернетдан фойдаланиб уятсиз ҳаракатлар содир этганлик учун жавобгарлик белгиланмоқда

Сенатнинг Ёшлар, маданият ва спорт масалалари қўмитаси мажлисида “Болаларни зўравонликдан ҳимоя қилиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги Қонун дастлабки тарзда кўриб чиқилди.

Фото: Getty images

Муҳокамада сенаторлар, масъул вазирлик ва идоралар вакиллари, халқ депутатлари маҳаллий Кенгашлар депутатлари ва Ёшлар парламенти аъзолари иштирок этди.

Ушбу Қонун билан Жиноят кодекси ва Маъмурий жавобгарлик тўғрисидаги кодексда болаларга нисбатан Интернет тармоғидан фойдаланиб уятсиз-бузуқ ҳаракатлар содир этганлик учун жавобгарлик белгиланмоқда.

Шунингдек, Жиноят-процессуал кодексига вояга етмаган гувоҳни ёки жабрланувчини сўроқ қилишнинг бир кун мобайнидаги умумий давомийлигини ҳамда уларни сўроқ қилиш жараёнида қонуний вакилларнинг иштирок этиши тартибини белгиловчи қўшимча ва ўзгартиришлар киритилмоқда.

Тайёрлаган: Kun.uz Admin

#Сенат #қонун #зўравонлик