Samsung уч букланадиган смартфонини тақдим этади

Samsung компанияси тез орада ўзининг уч букланадиган илк смартфонини тақдим этади. Бу ҳақда MK нашри хабар берди.

Фото: mk.co.kr

Компания уч букланадиган смартфон ишлаб чиқариши ҳақидаги хабарлар сентябрь бошида пайдо бўлганди.

Инсайдерлар ушбу қурилма яқин кунларда тақдим этилишини айтишмоқда. Хабарларга кўра, смартфон 31 октябрь-1 ноябрь кунлари Кореянинг Кенжу шаҳрида бўлиб ўтадиган Осиё-Тинч океани иқтисодий ҳамкорлиги саммитида намойиш этилади.

Маълумот берилишича, қурилма ташқи экрани диагонали 6,5 дюйм атрофида бўлади. Очилган ҳолатда эса смартфон дисплейи 10 дюймни ташкил этади.

У чекланган серияда чиқарилиши, нархи эса 3 миллион вондан (2130 доллар) ортиқроқ бўлиши айтилмоқда.

Ўтган йил сентябрда сотувга чиқарилган Huawei Mate XT дунёдаги илк уч букланадиган смартфон бўлганди.

#Samsung #смартфон

Kun.uz янгиликларини Google News'да кузатинг

+ Обуна бўлиш