Макрон: “Агар Россия музокараларни рад этадиган бўлса, бадал тўлашига тўғри келади”

Эммануэл Макроннинг сўзларига кўра, Ғазо секторидаги низони ҳал қилиш борасида эришилган келишув Яқин Шарқда тинчлик ўрнатилишига умид беради, Украина инқирозига ҳам чек қўйилиши лозим.

Фото: Getty Images

Франция президенти Эммануэл Макрон Украина етакчиси Володимир Зеленский билан телефон орқали мулоқотидан сўнг Россия музокаралар столига ўтирмайдиган бўлса, бунинг учун бадал тўлашига тўғри келишини айтди.

«Агар Россия уришқоқлик руҳида қайсарлик қилса ва музокаралар столига қайтишни рад этадиган бўлса, бунинг учун бадал тўлашига тўғри келади», — деб ёзди у X тармоғидаги саҳифасида.

Унинг сўзларига кўра, Ғазо секторидаги низони ҳал қилиш борасида эришилган келишув Яқин Шарқда тинчлик ўрнатилишига умид беради, Украина инқирозига ҳам чек қўйилиши лозим.

Айни пайтда Украина-Россия низосини ҳал қилиш масаласида пауза кузатилмоқда.

Сентябр охирларида Россия президентининг матбуот котиби Дмитрий Песков Киев Россия-Украина музокараларини тиклаш бўйича ҳеч қандай сигнал бермаётганини айтганди.

#Россия #Эммануэл Макрон

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.