Navee XT5 Pro — 130 км йўл босадиган “офф-роуд” электросамокат тақдим этилди

Navee компанияси узоқ саёҳатлар ва нотекис йўллар учун мўлжалланган янги электросамокатини — XT5 Pro моделини намойиш этди. Бу самокат нафақат кучли, балки узоқ масофага чидамлилиги билан ҳам ажралиб туради.

Фото: Navee

XT5 Pro’нинг асосий аккумулятори 597 Вт·с бўлиб, у 75 км гача масофага етади. Агар қўшимча 468 Вт·с батарея ўрнатилса, умумий масофа 130 км гача ошади. Шу билан бирга, тезкор зарядлаш тизими батареяни атиги 1,5 соатда тўлиқ тўлдиради.

Самокат карбон-стал рамада яратилган бўлиб, унда 2200 Вт қувватли мотор ва 12 дюймли офф-роуд шиналар бор. У соатига 50 км тезликка етиши ва 32% га тенг қияликни осон забт этиши мумкин. Юк кўтариш чегараси — 150 кг.

XT5 Pro’da ABS тизимли диск тормозлар, тяга назорати ва SmartKey функцияси мавжуд — яъни самокат сизнинг яқинлигингизни аниқлаб, автоматик равишда блокланади ёки очилади. Шунингдек, унда 9 Вт ёруғлик чироғи, орқа стоп-сигнал ва бурилиш кўрсаткичлари бор.

Нархи тахминан $1500 атрофида. Navee XT5 Pro ҳозирдан расмий сайтда сотувда, яқин кунларда эса дўконларда ҳам пайдо бўлади.

#технология #электросамокат

Kun.uz янгиликларини Google News'да кузатинг

+ Обуна бўлиш