Қирол Чарлз III ўз дафн маросими режасини тузди

Монарх шаҳзода Уилям билан маросим тафсилотларини ҳали муҳокама қилмаган, бироқ тахт вориси давлат бошқарувида етакчи ролни ўз зиммасига олишга тайёр.

Фото: Getty images

Британия қироли Чарлз III саратон касаллигига қарши кураш фонида ўз дафн маросими режасини ишлаб чиқди. Бу ҳақда RadarOnline нашри манбаларга таяниб хабар берди.

Нашр маълумотларига кўра, монарх шаҳзода Уилям билан маросим тафсилотларини ҳали муҳокама қилмаган, бироқ тахт вориси давлат бошқарувида етакчи ролни ўз зиммасига олишга тайёр.

Қиролнинг соғлиғи ёмонлашгани шаҳзода Ҳарри билан сентябрь ойида - 19 ой ичида биринчи марта учрашишига сабаб бўлди. Манбаларга кўра, Чарлз III кенжа ўғлини хайрлашув маросимида кўриш истагини билдирган.

Қирол дафн маросимини қиролича Елизавета II билан видолашув маросими каби кенг кўламда ўтказишни режалаштирмоқда. Тадбирга юзлаб сиёсатчилар, маънавий етакчилар ва оиланинг дўстлари таклиф этилади. Аммо таклиф этилганлар рўйхатида собиқ шаҳзода Эндрю ва унинг собиқ рафиқаси Сара Фергюсон бўлмайди.

Октябрь ойи ўрталарида Чарлз III шаҳзода Уилям билан бирга Лондонда бўлиб ўтган COP30 иқлим саммитида иштирок этди. Оммавий ахборот воситалари монархнинг сезиларли даражада заифлашганини таъкидлади.