Қўшимча функционаллар
-
Тунги кўриниш
АҚШ Халқаро молиявий тараққиёт корпорацияси Тошкентда минтақавий офисини очиши мумкин
Бу масала президент Шавкат Мирзиёев ва корпорация бош директори Бен Блэкнинг Вашингтондаги учрашувида муҳокама қилинди. Томонлар қўшма инвестиция платформасини яратишни жадаллаштириш ва кичик бизнесни қўллаб-қувватлаш бўйича ҳам фикр алмашди.
Президент Шавкат Мирзиёев Вашингтонга ташрифининг ишбилармонлик дастури доирасида 6 ноябрь куни АҚШ Халқаро молиявий тараққиёт корпорацияси (DFC) бош директори Бен Блэкни қабул қилди.
DFC – АҚШ миллий ривожланиш институти бўлиб, ривожланаётган мамлакатларда инфратузилма ва саноат лойиҳаларини амалга ошириш учун хусусий капитални сафарбар қилиш билан шуғулланади.
Учрашувда олий даражадаги фаол мулоқотлар ва савдо-инвестициявий ҳамкорлик кенгайиб бораётгани мамнуният билан қайд этилди. Энергетика, муҳим минераллар, молия, транспорт, қишлоқ хўжалиги ва IT соҳаларида йирик қўшма ташаббуслар ишлаб чиқилмоқда.
Амалий шерикликни чуқурлаштиришга алоҳида эътибор қаратилди. Устувор лойиҳаларни молиялаштириш учун қўшма инвестиция платформасини яратишни жадаллаштириш, кичик бизнесни қўллаб-қувватлаш, шунингдек, Тошкент шаҳрида корпорациянинг минтақавий офисини очиш бўйича аниқ чора-тадбирлар кўриб чиқилди.
Давлат раҳбари корпорациянинг инфратузилма лойиҳаларини амалга оширишда давлат-хусусий шериклик асосида иштирок этиши муҳимлигини таъкидлади.
Мавзуга оид
13:30 / 07.02.2026
АҚШ элчиси Полша Сейми спикери билан алоқаларни узмоқда
11:19 / 07.02.2026
Трамп: Эрон билан музокаралар яхши кетяпти, унга келишув қизиқ
09:31 / 07.02.2026
Трамп Ҳиндистонга Россиядан нефт сотиб олишдан воз кечиши эвазига бож тўловларини бекор қилди
09:02 / 07.02.2026