Neuralink бемори самолётни фикр кучи билан бошқарди

Америкалик Алекс Конли — орқа мия жароҳати сабаб ҳаракатлана олмайдиган бемор — Neuralink чипи ёрдамида самолёт моделини фикр кучи билан бошқаришни ўрганди.

Аввал у робот қўлни бошқара олган бўлса, энди миясидаги имплант орқали ўз онгини бошқарув тизимига улаб, мураккаброқ вазифани бажарди.

Neuralink ҳозирга қадар бундай имплантни 12 беморга ўрнатган. Улар фикр орқали компютер ўйинларини ўйнашлари ёки турли электрон қурилмаларни бошқаришлари мумкин.

Бу технология мия ва компютер ўртасидаги тўғридан-тўғри алоқа имкониятини кенгайтириб, келажакда ногиронликни камайтириш ва инсон–техника интеграциясига йўл очади.