Россияда сунъий интеллектли одамсимон робот IDOL тақдим этилди. Робот саҳнада йиқилиб, машҳур бўлди

Москва шаҳрида биринчи одамсимон сунъий интеллектли робот — IDOL намойиш этилди. Робот 70 фоиз Россияда ишлаб чиқилган бўлиб, мамлакат учун янги технологик босқич сифатида кўрилмоқда.

IDOL бутунлай автоном тарзда ишлайди — у интернетга уланмасдан ҳам гаплаша олади, ҳаракат қилади ва нарсалар билан ўзаро таъсирга кириша олади. Унинг юзида 12 хил эмоция ва 100 дан ортиқ микро ифода акс эттирилган бўлиб, бу уни янада “тирик” кўрсатади. Қўллари эса 14 даражали эркинлик билан жиҳозланган бўлиб, бу унга предметларни табиий тарзда ушлаш имконини беради.

Бироқ тақдимот пайтида кутилмаган ҳолат юз берди — робот саҳнага чиқиб, қўлини кўтарган заҳоти мувозанатини йўқотиб йиқилди. Томошабинлар эса бу воқеани кулги билан қабул қилишди.

Шунга қарамай, бу ҳодиса IDOL’ни янада машҳур қилди — ахир, “буюклик ҳеч қачон йиқилмасликда эмас, балки йиқилиб яна туришда” дейишади-ку.

Технологиялар тез ўзгараётган бугунги кунда энг сўнгги янгиликлардан хабардор бўлиш муҳим. Рақамли дунёда адашиб қолмаслик ва шундай янгиликларни биринчилардан билиш учун KUN.UZ Texnologiya Теlegram саҳифасини кузатиб боринг.