АҚШ Зеленскийга Украина урушни тугатиш учун ҳудудлардан воз кечиши кераклигини тушунтирди – ОАВ

АҚШ расмийлари Украина президенти Володимир Зеленскийга Киев Вашингтон томонидан ишлаб чиқилган Россия билан урушни тўхтатиш режасини қабул қилиши кераклигини тушунтирди, деб ёзди Reuters манбаларга таяниб.

Уларнинг сўзларига кўра, можарони тўхтатиш тўғрисидаги ҳадли битим Украина ҳудудларнинг бир қисмидан ва баъзи турдаги қуроллардан воз кечишини назарда тутади. Агентлик суҳбатдошларининг айтишича, АҚШ таклифлари орасида, жумладан, Украина қуролли кучлари сонини қисқартириш ҳам бор. Буларнинг барчаси Россия ҳукумати урушни тўхтатиш шартлари деб бир неча бор атаган талаблардир.

Вашингтон Киев ишлаб чиқилган режанинг асосий бандларини қабул қилишини истайди, деди манбалар.

FT нашрининг ёзишича, бу таклиф аслида Украинанинг таслим бўлишини англатади ва фақат Кремлнинг максималистик талабларини акс эттиради. Таклиф қуйидагиларни ўз ичига олади: Украина армиясининг икки баравар қисқариши, муайян қуроллардан воз кечиш ва Донбассни топшириш.

Аввалроқ, АҚШ президенти Доналд Трамп маъмурияти Россия-Украина урушини тўхтатиш бўйича янги режа устида иш олиб бораётгани ҳақида Axios хабар берди. Таъкидланишича, АҚШ аллақачон Россия вакиллари билан маслаҳатлашувлар ўтказган. Россия президентининг махсус вакили Кирилл Дмитриев журналистларга «бу сафар биз Россия позицияси ҳақиқатан ҳам эшитилганини ҳис қилмоқдамиз», деган.

Россия-Украина уруши якуни бўйича муҳокамалар қайта бошлангани ҳақида бир кун олдин бир нечта Ғарб нашрлари хабар берди. Украина президенти Володимир Зеленский ҳам 18 ноябр куни Киев урушни тугатиш бўйича «музокараларни фаоллаштириш»га тайёрланаётганини айтганди.

Россия Ташқи ишлар вазирлиги АҚШ Украина бўйича расмий каналлар орқали Россияга мурожаат қилмагани ҳақида хабар берди.

Politico манбаларининг таъкидлашича, урушни тўхтатиш тўғрисидаги ҳадли битим ноябр ойининг охиригача, эҳтимол «шу ҳафтадаёқ» келишиб олиниши мумкин.