Ўзбекистон Ислом бирдамлиги ўйинларида умумжамоа ҳисобида 2-ўринни эгаллади

Ўзбекистонлик спортчилар 29 та олтин, 35 та кумуш ва 32 та бронза медалини қўлга киритди.

Фото: МОҚ

Саудия Арабистони пойтахти Риёз шаҳрида 7-21 ноябрь кунлари VI Ислом бирдамлиги ўйинлари ўтказилди.

Ўзбекистонлик спортчилар мусобақада 29 та олтин, 35 та кумуш ва 32 та бронза (96 та медал) кўрсаткич билан 57 мамлакат орасида Туркиядан кейин 2-ўринни эгаллади.

Ўзбекистонликлар қўлга киритган олтин медаллар:

6 – Оғир атлетика (Акбар Жўраев (3), Сарвар Зафаржонов (2), Адҳамжон Эргашев)

6 – Енгил/пара атлетика (Барнохон Сайфуллаева, Наргизахон Қўчқорова, Иброҳим Маҳкамов, Амир Нагаев, Нодир Норбоев, Анвар Анваров)

3 – Дзюдо (Замахшарий Бекмуродов, Шаҳзодхўжа Шарипов, Музаффарбек Тўрабоев)

3 – Бокс (Абдуллоҳ Мадаминов, Хуморабону Мамажонова, Мадиёр Дониёров)

3 – Таэквондо (Озода Собиржонова, Диёрбек Тухлибоев, Марат Мавлонов)

3 – Қиличбозлик (Мейирхон Тимуров, Ўзбекистон (эркаклар), Ўзбекистон (аёллар)

2 – Сузиш (Иля Сибирцев, Элдорбек Усмонов)

2 – Кураш (Алишер Ғаниев, Актенге Кеунимжаева)

1 – Каратэ (Севинч Раҳимова)

Мусобақада Туркия спортчилари катта устунлик билан ғалаба қозонди: 72 олтин, 44 кумуш, 39 бронза (155 медал). Учинчи ўринни Эрон эгаллади: 29 олтин, 19 кумуш, 33 бронза (81 медал).

Қозоғистон 56 медал (15-20-21) билан еттинчи, Қирғизистон 19 медал (4-4-11) билан ўн тўртинчи, Тожикистон 6 медал (0-3-3) билан йигирма саккизинчи бўлди. Туркманистон бирорта медални қўлга киритолмади.

Ўзбекистонлик спортчиларнинг ушбу ютуғи рекорд эмас: 2021 йилда Туркияда ўтказилган мусобақада 158 та медал (51-42-65) қўлга киритилган эди.

Навбатдаги Ислом бирдамлиги ўйинлари 2029 йилда Малайзиянинг Селангор вилоятида ўтказилади.