Қўшимча функционаллар
-
Тунги кўриниш
Саида Мирзиёева Япониянинг Ўзбекистондаги янги элчиси билан учрашди
Президент администрацияси раҳбари Саида Мирзиёева Япониянинг Ўзбекистондаги янги элчиси билан учрашув ўтказиб, Ўзбекистон президентининг Японияга бўлажак ташрифига тайёргарлик масалаларини муҳокама қилди.
Фото: Саида Мирзиёева / Telegram
Саида Мирзиёева Япониянинг Ўзбекистондаги янги элчиси Кенжи Хирата билан учрашув ўтказди.
Учрашувда асосий эътибор Ўзбекистон президентининг Японияга бўлажак ташрифига тайёргарлик масалаларига қаратилди. Томонлар мазкур ташриф доирасидаги тадбирлар самарадорлигини таъминлаш, ўзаро ҳамкорликни янги босқичга олиб чиқиш учун икки томонлама кун тартибини мазмунан бойитиш зарурлигини таъкидладилар.
Суҳбат чоғида, шунингдек, таълим соҳасидаги қўшма лойиҳаларни, тиббиёт йўналишида амалга оширилаётган ташаббусларни, маданий ҳамкорлик доирасидаги режаларни муҳокама қилишга алоҳида эътибор қаратилди.
Саида Мирзиёева Япония ҳукуматига, хусусан, таълим ва тиббиёт лойиҳаларини қўллаб-қувватлаётгани, маданий ташаббусларга, жумладан Осака ва Токиода кўргазмалар ўтказиш режаларини амалга оширишда кўрсатаётган ёрдами учун миннатдорлик билдирди.
Учрашув якунларига кўра, томонлар Ўзбекистон–Япония муносабатларини сиёсий, иқтисодий ва гуманитар йўналишларда янада чуқурлаштиришга тайёр эканини тасдиқлади.
Мавзуга оид
21:22 / 18.05.2026
Саида Мирзиёева Лондонда нуфусли халқаро молия ташкилотлари раҳбарлари ва сиёсатчилар билан учрашувлар ўтказди
18:18 / 18.05.2026
Ўзбекистон глобал капитал бозори учун янада очиқ ва ишончли ҳамкорга айланди - Саида Мирзиёева
11:43 / 17.05.2026
Япония икки ўзбекистонликни депортация қилди
14:26 / 15.05.2026