Қамчиқ довонида таъмирлаш ишлари сабаб транспорт ҳаракати вақт-вақти билан тўхтатилади

3 декабр куни Қамчиқ довонидан ўтувчи А-373 автомобил йўлининг 110-километрида электр тармоқлари симларини таъмирлаш ишлари олиб борилаётгани сабабли, ушбу ҳудудда соат 17:00 гача транспорт ҳаракати вақт-вақти билан тўхтатилади. Ҳайдовчилардан вазиятни тўғри тушуниш ва ЙПХ ходимларининг кўрсатмаларини бажариш сўралди.

Фото: Видеодан кадр

Қамчиқ довони ҳудудидан ўтувчи А-373 автомобил йўлининг 110-километрида электр тармоқлари симларини таъмирлаш ишлари олиб борилаётгани муносабати билан 3 декабр куни соат 17:00 гача ушбу ҳудудда транспорт воситалари ҳаракати вақти-вақти билан чекланади.

Маълумотга кўра, ҳаракат хавфсизлигини таъминлаш ва тирбандликнинг олдини олиш мақсадида Йўл-патрул хизмати ходимлари мазкур йўл участкасида хизмат олиб бормоқда.

Довон йўлидан ҳаракатланувчи ҳайдовчилардан вазиятни тўғри тушуниш, тартибга солувчи ходимларнинг ишора ва кўрсатмаларини бажариш, шунингдек, ҳаракатланиш тезлигини меъёрга мувофиқ сақлаш сўралмоқда.