Apple 2026 йилда маҳсулотлари нархини ошириши мумкин

Бунга хотира чиплари етказиб берувчи Samsung ва SK hynix компаниялари билан келишувларнинг тугаётганлиги сабаб бўлмоқда.

Apple компанияси хотира чиплари инқирози фонида ўз маҳсулотлари нархини оширишни режалаштирмоқда.

Wccftech нашрининг ёзишича, бунга хотира чиплари етказиб берувчи Samsung ва SK hynix компаниялари билан келишувларнинг тугаётганлиги сабаб бўлмоқда.

Инсайдерларнинг маълум қилишича, Корея компаниялари 2026 йил январдан ўз маҳсулотлари нархини сезиларли даражада оширишни кўзлаган.

Улар HBM хотира чиплари ўрнига DDR5 чипларини кўпроқ ишлаб чиқаришни режалаштирмоқда. Бу эса бозорда танқислик ва нархлар кўтарилишига олиб келади.

Бунинг натижасида Apple 2026 йилда чиқиши кутилаётган барча маҳсулотлари, жумладан, iPhone 18, iPhone Fold, MacBook Air, MacBook Pro каби қурилмалари нархларини оширади.