Қурилаётган объектлар ҳақида маълумот берадиган платформа ишга тушди

Қурилиш ва уй-жой коммунал хўжалиги вазирлигининг маълум қилишича, қурилаётган объектлар ҳақида маълумот олиш имконини берувчи интерактив харита ишга туширилди. 

Ундан фойдаланиш учун DShQ.shaffofqurilish.uz платформасига кириш лозим. Сайтда фойдаланувчи танлаган ҳудуд интерактив харитада алоҳида ранглар билан ажратилган зоналар кўринишида акс этади.

Унда барча қурилаётган объектлар уч тоифага ажратилган:

қизил — қурилиши тўхтатилган;

кўк — қурилиш жараёнида бўлган;

қора — музлатилган (бекор қилинган) қурилиш лойиҳалари.

Харитада объектларнинг сейсмик даражасини ҳам кўриш мумкин.

Вазирликнинг билдиришича, бугунга қадар 20 миллиондан ортиқ аҳоли яшайдиган ҳудудлар рақамлаштирилган.