Тони Кроос ЖЧ-2026 фаворитларини айтди

Аввалроқ суперкомпютер қайси мамлакат жамоаси жаҳон чемпиони бўлишини аниқлаганди. Унга кўра, Испаниянинг чемпион бўлиш эҳтимоли 17 фоизни ташкил этади.

Фото: REUTERS

Германия терма жамоасининг собиқ яримҳимоячиси Тони Кроос футбол бўйича 2026 йилги жаҳон чемпионатининг асосий фаворитларини айтди.

Унинг фикрича, булар Испания, Португалия, Франция ва Марокаш терма жамоаларидир.

«Германияни асосий даъвогарлар қаторида кўрмаяпман. Жамоа чорак ёки ярим финалгача боришига ишончим комил», — дея қўшимча қилди Кроос.

Аввалроқ суперкомпютер қайси мамлакат жамоаси жаҳон чемпиони бўлишини аниқлаганди. Унга кўра, Испаниянинг чемпион бўлиш эҳтимоли 17 фоизни ташкил этади. Кейинги ўринда эса Франция жойлашган.

2026 йилги жаҳон чемпионати АҚШ, Канада ва Мексикада 11 июндан 19 июлгача бўлиб ўтади. Унда илк бор 32та ўрнига 48та терма жамоа куч синашади.

Тайёрлаган: Дилшодбек Асқаров

#ЖЧ-2026 #Тони Кроос